【永合成，可能係香港最好食嘅煲仔飯....】
標題可能有D誇張，因為其實我冇食勻全香港嘅煲仔飯嘅XD 所以我唔知佢係咪最好味，但係堅有水準！我講想食永合成講左都有幾年，由佢喺上環搬到嚟西環都未食到，就趁今日意外出左中環，搭叮叮去食啦，喺西環「屈地街站」落行幾步就係啦！❤
＃招牌窩蛋牛肉煲仔飯($65)係最出名嘅～D牛肉冇咩梳打粉嘅味道，好有咬口同充滿肉汁！食煲仔飯最重要係咩？梗係飯啦！最驚D冧patpat嘅飯，咁同飯煲d飯有咩分別呢？唔好以為求其將d飯放左喺煲仔，就可以自稱係煲仔飯喎！永合成嘅飯粒粒分明，充滿飯焦嘅濃香～堅有水準！👍
根據網上(不負責)資料，呢度會先將米加入近沸點的熱水，直接在瓦斯爐煮2~3分鐘，之後仲會再送進攝氏180度高溫焗爐焗焗添！另外每日都有例湯～叫左碗細 ($8)～係 #杏汁豬肉薏米湯～好濃郁呀！😘
不過呢度好寸(?)架～淨係開星期1~6，早上7點至下午4點，星期日同假期仲會休息～大家要記住時間唔好摸門釘喇！#好鍾意西環 #鍾意搭叮叮 #鍾意老香港味道 #未食過陳漢記係咪都好正 #食勻西環
永合成馳名煲仔飯 Wing Hop Sing
西環德輔道西360號地舖
Search